Bölmə:İş Elanları 1240 dəfə oxunub
Dövlət İmtahan Mərkəzi müsahibələrin təşkili ilə əlaqədar cari işlərin həyata keçirilməsi məqsədilə baş mütəxəssis vakant vəzifəsinə işçi qəbulu elan edir
Elan edilmiş vakant vəzifə üzrə müsahibədə iştirak üçün müraciət edən namizədlər vakant vəzifələrin tutulmasının ümumi şərtlərinin tələblərinə cavab verməlidirlər.
Vakant vəzifə haqqında məlumat
Struktur bölmə: E-imtahanlar və müsahibələrin təşkili şöbəsi
Struktur vahid: Müsahibələrin təşkili sektoru
Vəzifənin adı: baş mütəxəssis
Aylıq vəzifə maaşı: 576 manat
Qulluq funksiyaları:
- Müsahibə qrupu üzvləri tərəfindən verilmiş qiymətləndirmə ballarını bazaya daxil etmək;
- Müsahibələrin keçirilməsi üçün lazım olan sənədləri (vəzifə təlimatlarını, müsahibə proqramlarını, yekun protokolları, bal cədvəllərini) hazırlamaq və aidiyyəti üzrə nizamlamaq. Müsahibə otaqlarının hazırlığını yoxlamaq, avadanlıqların (kompüter, veb-kamera) hazır vəziyyətdə olmasını təmin etmək;
- Gün ərzində keçirilmiş müsahibələrin videoçəkilişlərini mütəmadi olaraq konvertasiya edib bazaya daxil etməklə mühafizəsini təmin etmək;
- Müsahibə materiallarını arxivləşdirmək;
- Rəhbərlik, şöbə müdiri və sektor müdirinin xidməti tapşırıqlarını və sektorun fəaliyyət istiqamətinə uyğun olaraq qanunvericiliklə nəzərdə tutulmuş digər vəzifələri yerinə yetirmək.
Vəzifənin tutulma şərtləri
Təhsilə dair tələblər: ali təhsil
İş stajına dair tələbi: tələb müəyyən edilmir
Kompüter biliklərinə dair tələblər: MS Windows, MS Office, İnternet
Xarici dil biliklərinə dair tələblər: ingilis dili – yaxşı, rus dili – yaxşı
Maraqlanan şəxslərdən müraciət formasını buradan yükləyib tam şəkildə dolduraraq 2020-ci il fevralın 14-dək kh.azimova@dim.gov.az elektron poçt ünvanına mövzu hissəsində “İşə qəbul” yazaraq göndərmələri xahiş olunur. Yuxarıda göstərilən tələblərə cavab verən namizədlər müsahibəyə dəvət olunacaqlar.