Azərbaycanda mülkiyyət formasına görə üç cür peşə təhsili müəssisələri fəaliyyət göstərə biləcək.

APA-nın məlumatına görə, yeni hazırlanmış “Peşə təhsili haqqında” qanun layihəsinin 10-cu (Peşə təhsili) maddəsinə görə, Azərbaycan Respublikasında mülkiyyət formasına görə dövlət, bələdiyyə və özəl peşə təhsili müəssisələrinin fəaliyyət göstərməsi nəzərdə tutulur.

Bütün peşə təhsili müəssisələrində isə tədrisin yalnız əyani formada keçirilməsinə icazə veriləcək.

Mülkiyyət formasında asılı olmayaraq, bütün peşə təhsili müəssisələrində hüquqi təminat eyni olacaq.

Qanun layihəsi Milli Məclisin plenar iclasına tövsiyə olunub.