Tehsil.im saytı yazı müsabiqəsi elan etdi - DİQQƏT
Bölmə:Elanlar 1916 dəfə oxunub
Bölmə:Elanlar 1916 dəfə oxunub
22.10.2017
Tehsil.im gənc yazarlar üçün yazı müsabiqəsi elan edir.
Yazılar təhsil, turizm, inkişaf, motivasiya və gəncləri maraqlandıran digər movzularda olmalıdır.
Müsabiqənin şərtləri:
Mövzunu dolğun əhatə etmə səviyyəsi;
Faktlardan istifadə xüsusiyytələri və araşdırmanın keyfiyyəti;
İfadə vasitələrinin zənginliyi;
Oxucu üçün informasiyalılıq dərəcəsi;
Qabaqcıl dünya təcrübəsi ilə məzmunlu müqayisə;
Hər kəs müsabiqəyə yalnız bir yazı təqdim edə bilər;
Ən yaxşı yazılar üçün 3 yer nəzərdə tutulur.
I yer – Yazarın 5 məqaləsi Tehsil.im saytında yerləşdiriləcək və 1 ay ərzində hər gün reklam olunacaq.
II yer – Yazarın 3 məqaləsi Tehsil.im saytında yerləşdiriləcək və 1 ay ərzində hər gün reklam olunacaq.
III yer – Yazarın 2 məqaləsi Tehsil.im saytında yerləşdiriləcək və 1 ay ərzində hər gün reklam olunacaq.
Yazılar müəllifin elektron ünvanından elektron qaydada itehsil@mail.ru elektron poçtuna göndərilməlidir.
Yazıda «Tehsil.im-in keçirdiyi müsabiqəyə təqdim edilir» qeydi göstərilməlidir.
Yazı təqdim edən şəxsin şəxsiyyət vəsiqəsinin surətinin skan olunmuş PDF faylı və yazı təqdim edən şəxsin əlaqə vasitələri – ev və iş telefonu, mobil telefonu göstərilməlidir.
Yazıların qəbulu 23 oktyabr 2017-ci ildən 23 noyabr 2017-ci ilə qədər davam edəcək. Yazılar tehsil.im saytında yayımlanacaq və saytın oxucuları tərəfindən qiymətləndiriləcək. Belə ki, ən çox oxunan yazı qalib gələcək.
Qaliblərin adları 01 dekabr 2017-ci il tarixində açıqlanacaq.