19 minə yaxın yeni iş yeri açılacaq | Təhsil Elanları
19 minə yaxın yeni iş yeri açılacaq
Bölmə:Xəbərlər 791 dəfə oxunub
04.01.2017

2020-ci ilə qədər Azərbaycanda logistika və ticarət üzrə real ümumi daxili məhsulun 605 mln. manat artacağı, bu sahədə 18 900 yeni iş yerinin yaradılacağı proqnozlaşdırılır. Bu barədə Azərbaycanda logistika və ticarətin inkişafına dair Strateji Yol Xəritəsində bildirilir.

Sənədə əsasən, bunun üçün nəzərdə tutulan tədbirlərin reallaşdırılması üçün dövlət və özəl mənbələrdən istifadə edilməklə cəmi 3,16 mlrd. manat investisiya qoyuluşu lazımdır. 

Qeyd edək ki, Strateji Yol Xəritəsi çərçivəsində Azərbaycanın regional əhəmiyyətli logistika və ticarət qovşağı kimi aparıcı mövqeyinin gücləndirilməsi, Ələt qəsəbəsində yerləşən yeni Bakı Limanı kompleksi, Bakı-Tbilisi-Qars dəmir yolu və Astara-Astara dəmir yolu layihələrinin tamamlanması, logistika sahəsində əməliyyatların təkmilləşdirilməsi, Bakının regional əhəmiyyətli ticarət qovşağına çevrilməsi, Bakıda və ölkənin müxtəlif yerlərində logistika və ticarət mərkəzlərinin yaradılması, logistika sahəsində özəl sektorun iştirak səviyyəsinin yüksəldilməsi nəzərdə tutulub.

Mənbə: Report.az