Bir neçə gün öncə respublikamızda elm və təhsilin inkişafında, müstəqil Azərbaycanın humanitar ixtisaslar üzrə yüksək keyfiyyətli mütəxəssis hazırlığında, beynəlxalq əlaqələrimizin qurulmasında və milli-mənəvi dəyərlərimizin dünyada təbliğində xüsusi yeri olan Bakı Slavyan Universiteti (BSU) 70 illik yubileyini qeyd edib. 70 illik yubiley Fəxri Xiyabanda Ulu öndərin məzarı önünə əklil və gül dəstələri qoyulması ilə başlanıb. Tədbirdə Rusiya, Ukrayna, Bolqarıstan, Belarusiya, Türkiyə, Çexiya və digər ölkələrdən gəlmiş qonaqlar iştirak edib. Tədbir universitetin akt zalında davam edib.