"Rabitəbank" gənc kredit mütəxəssislərinin hazırlanması proqramına start verir | Təhsil Elanları
"Rabitəbank" gənc kredit mütəxəssislərinin hazırlanması proqramına start verir
Bölmə:Elanlar 1215 dəfə oxunub
11.11.2016

Gənc kredit mütəxəssislərinin hazırlanması proqramı bankın peşakar mütəxəssisləri tərəfindən keçirilən təlimlərdə iştirak etmək, bankın mütəxəssiləri ilə birlikdə mikrokreditləşmə sahəsində real təcrübə qazanmaq və gələcəkdə bankda karyera qurmaq imkanları verir.

Gənc kredit mütəxəssislərinin (Mikro kreditləri üzrə) hazırlanması proqramı Bakı, Masallı, Quba, Xaçmaz, Şəki və  Şəmkir bölgələrini əhatə edir.

Bu proqramının iştirakçıları aşağıdakı mövzular üzrə bilik və bacarıqlar əldə edəcəklər:

  • Biznes etikası anlayışı
  • Müştəri xidmətləri prinsipləri və müştərilərlə iş
  • Bank məhsulları və onların satış prinsipləri
  • Kredit müraciətlərinin qəbulu və onların dəyərləndirilməsi
  • Biznes ünvanına vizit və biznesin analizi,
  • Maliyyə təhlillərinin aparılması
  • Verilmiş kreditlərə nəzarət, monitorinq və təqib

Namizədlərə olan tələblər:

  • Ali təhsil
  • Yaxşı  riyazi biliklər və məntiq 
  • Ünsiyyət qurma və komandada işləmək bacarığı
  • Dəqiqlik, məsuliyyətlilik və etibarlılıq kimi müsbət göstəricilərə malik olması
  • Məqsədəyönümlü, təşəbbüskar və aktiv  iş tərzinə üstünlük verən namizədlərə üstünlük verilir

Proqramda müvəffəqiyyətlə iştirak etmiş və müsbət nəticələr əldə etmiş namizədlərə proqramın sonunda Rabitəbank ASC tərəfindən sertifikat təqdim ediləcəkdir.

Gənc kredit işçilərinin inkişafı proqramında iştirak etmək istəyən namizədlər career@rabitabank.com elektron ünvanına, e-mail mövzusu hissəsində "Mikro kreditləri üzrə təcrübə" qeyd edərək  CV-lərini göndərə bilərlər.

Qeyd: Bu proqramda yalnız qeyd olunan bölgələrdə (Bakı, Masallı, Quba, Xaçmaz, Şəki və  Şəmkir) yaşayan namizədlər iştirak edə bilərlər.