Azərbaycan Nazirlər Kabineti “Ali təhsil müəssisələrinin bakalavriat və magistratura səviyyələrində kredit sistemi ilə tədrisin təşkili Qaydaları”na dəyişiklik edib.

 

Tehsil.im-in fins.az-a istinadən xəbər verir ki, Nazirlər Kabinetindən verilən məlumata görə, kredit sistemi işlə tədrisin təşkili qaydaları həm də Azərbaycan Milli Elmlər Akademiyasının magistratura səviyyəsinə şamil edilir.

 

Dəyişikliyə əsasən, professor-müəllim heyətinin mobilliyi (mühazirənin oxunması, seminarların, praktik məşğələlərin, laboratoriya işlərinin keçirilməsi) həm ali təhsil müəssisələri arasında, həm də ali təhsil müəssisələri ilə AMEA arasında xüsusi razılıq əsasında həyata keçirilir.