“The Telegraph” qəzeti təhsil almaq üçün ən ucuz hansı ölkələrin olduğunu araşdırıb. Son göstəricilərə əsasən, Böyük Britaniya universitetləri ən bahalı universitetlərdən biridir. Böyük Britaniyada bir illik təhsil haqqı və yaşayış xərcləri birlikdə 21.000 funt sterinq (təqribən 49.000 AZN) təşkil edir.

 

Təhsil almaq üçün ən ucuz ölkələr Keniya, Banqladeş, Argentina, Norveç və Polşadır. Hindistan və Rusiya kimi ölkələrdə təhsil almaq Böyük Britaniyadan beş dəfə daha ucuzdur.

Dünyanın ən bahalı ölkələri siyahısında Böyük Britaniya beşinci yerdədir. Birinci yerdə isə Avstraliyadır, digər pillələrdə Cənubi Koreya, Sinqapur və ABŞ yerləşir.

 

Təbii ki, təhsil haqqının ən ucuz və ya bahalı olması həmin universitetin verdiyi təhsillə eynilik təşkil etmir. Məsələn: Norveçin paytaxtı Oslodo yerləşən, yarandığı 1811-ci ildən 1939-cu ilə qədər Kral Fridrix Universiteti adlanan Oslo Universiteti ən ucuz universitet hesab olunsa da, ən qədim və nüfuzlu universitetlərdən biridir. Belə ki, bu universitetdə təhsil haqqı 600 dollardır. Universitetdə təqribən 27.000 tələbə təhsil alır və dini elmlər, hüquq, tibb, humanitar elmlər, təbiət elmləri, diş həkimliyi, sosial elmlər fakültələri mövcuddur. Oslo Universitetindən beş tətqiqatçı Nobel Mükafatına layiq görülmüşdür.

 

Xarici tələbələr üçün də Oslo Universitetində təhsil almaq imkanı var, lakin bakalavr dərəcəsində bütün dərslər Norveç dilində keçirilir, magistr dərəcəsi üzrə isə İngilis dilində təhsil almaq mümkündür.