Bölmə:Xəbərlər 515 dəfə oxunub
Kənd təsərrüfatı bölgəsi olan İsmayıllıda sənayenin inkişafı istiqamətində son illər bir sıra layihələr reallaşdırılır.
Rayonun Diyallı kəndi yaxınlığında inşa edilən, regionda analoqu olmayan velosiped zavodunun tikintisi də bu layihələrdən biridir.
İllik istehsal gücü 30 min ədəd müxtəlif markalı velosiped olacaq zavodun 2016-cı ilin birinci yarısında istifadəyə verilməsi nəzərdə tutulub. Burada quraşdırma işləri başa çatmaq üzrədir.
Bolqarıstan istehsalı olan əsas avadanlıqlar artıq rayona gətirilib. İstismara verildikdən sonra zavodda əsasən yerli sakinlər olmaqla, 120-150 nəfər çalışacaq. Bu məqsədlə onların bir qismi Bolqarıstandakı eyni tipli velosiped zavoduna təcrübə qazanmağa göndəriləcək.
Qeyd edək ki, zavodda hazırlanacaq müxtəlif markalı velosipedlər müasir texnologiya əsasında yüksək keyfiyyətlə buraxılacaq. Bu velosipedlər nəinki daxili tələbatı ödəmək, habelə ixrac üçün də nəzərdə tutulub.